ثلاث قواعد للبدء و النجاح في التجارة الإلكترونية

السلام عليكم يتكرر علي هذا السؤال كثير وهو: كيف ابد في التجارة الإلكترونية؟ من السهل جداً ان تبدأ في ربح المال عن طريق تطبيق النصائح والقواعد التي سوف أقدمها لك

القاعدة الأولى تحويل شغفك وما تحب الى دخل مادي - تخيل تسوي شئ تحبه وتستمتع بيه وكمان يطلع لك فلوووووووووس مثال : شخص يحب السباحة والغوص - الطريقة هي( او ان صح التعبير هي احد الطرق ) انه يسوي فلوقات في اليوتيوب ويروج ويسوق بالعمولة لمعدات الغوص ويحط الروابط في وصف الفيديو ويذكر الناس بالروابط والناس تشتري وتستفيد انه شرح لهم عن المنتج وخلاهم يشتروا وهم مرتاحين ومطمأنين ومبسوطين وكمان ممكن يقدم لهم تخفيضات أو كوبونات خصم يسير هم يستفيدوا خصم وهو كمان يربح "الدنيا فيد و أستفيد" - أنت أفدتهم بفلوقاتك وكمان تعبت وصورت ومنتجت و أمتعتهم بفلوقاتك وأنت كمان ربحت من خلال عمليات البيع الي تمموها عن طريق كوبوناتك أو روابطك الي هو في الحقيقة عبارة عن تسويق بالعمولة بالمناسبة التسويق بالعمولة هو انه الشركة تعطيك كوبونات و روابط وأنت تجتهد وتسوي محتوى أو بأي طريقة أخرى (الطرق كثيرة سيتم شرحها لاحقاً) مثل الترويج المدفوع مثلا - تجيب لهم عملاء وأنت تربح على كل عميل عن طريق رابطك أو كوبونك لكل مجال ناس تهتم فيه - زي ما أنت مهتم بمجال أياً كان هذا المجال - تأكد أنو فيه ناس تتقاطع معاك في هذا المجال لذلك ==== أبدء ولا تتأخر مثلا وحده تحب المكياج او التصميم بالحاسب الجرافيك مثلا - تصمم وتسوي شروحات وتسوي افلييت (هو المصطلع الانجليزي لـ التسويق بالعمولة الي شرحتة قبل شوي ) لخدمات تقنية مو شرط منتج ع الطبيعه

القاعدة الثانية ضرورة تعدد مصادر الدخل وفي هذي القاعدة كل الي تحتاجة هو أنك تجلس جلسة صفاء مع نفسك وتجمع كل مواهبك و أمورك الي تحب تسويها وتحاول تطلع بأفكار .... كيف تطلع فلوس من هـ المواهب و الأمور الي تحبها والتي اردي انت تمتلكها (تحول كل موهبة عندك لمنتج أو خدمة تحصل منه على دخل مادي ) بــــ أعطيكم مثال على نفسي أنا و أشرح لكم كيف أني أستغليت بعض وليس كل مواهبي و الأمور الي أحب أسويها في تعدد مصادر الدخل 1- من خلال مبادرتي الثقافية الاجتماعية غنائم الرحلة اطريت اتعلم واحترف التصوير و المونتاج - تعلمت التصوير والمونتاج واخذ مني وقت طويل ودفعت فلوس كمان - اشتريت استديو تصوير كامل عدسات كاميرات سوفت بوكس الاضاءه الي زي الطبلات ودفعت آلاف الريالات - قلت ليش ما استغل وجود الاستديو وكمان خبرتي ف التصوير والمونتاج واطلع منها فلوس - قمت سويت خدمة تصوير ومونتاج للناس الي مهتمه انها تصور وفعلا بـ أطلع منها فلوس حلوة. للان طلعنا بـ خدمة تصوير و مونتاج للمهتمين بالتصوير. 2- من سنوات طويلة حبيت التسويق الإلكتروني وتعلمته وبذلت وقت وجهد وفلوس - وكمان خسرت آلاف في البداية والتنفيذ و الاخطاء و التعلم و اليوم انا اقدم كورسات اونلاين في التسويق الالكتروني والتجارة الالكترونية والتسويق والتسويق بالعمولة +أقدم استشارات في التسويق للشركات و الأفراد وهذي الكورسات و الاستشارات لاشك اطلع منها فلوس+ أقدم خدمات تسويقية للشركات و الأفراد مثل تنفيذ الحملات الاحترافية للمنتجات سواء كانت كوبونات خصم او غيرها من المنتجات المحسوسة او الخدمات 3- أعمل على التسويق بالعمولة لمنتجات كثير ومنها اوبر وكريم واخذ نسبة ربح من الشركتين مقابل أني اجيب لهم كباتن جدد 4- اسوي فلوقات لبعض الدول و اسوق للخدمات السياحية بالتعاقد مع المكاتب المعتمدة 5- بحكم تخصصي -ماجستير في شبكات الانترنت - اعرف اصمم مواقع - فــ استغليت هـ الموهبة وسرت اصمم مواقع للشركات والافراد سواء كانوا شركات او تجار او مسوقين حابين يطوروا البزنس حقهم او غير ذلك 6- أعمل على تسويق كوبونات الخصم وروابط الافلييت للمتاجر و المواقع وبعض المتجات واسوق لها تسويق احترافي ليكون لي مصدر دخل بدون جهد (اتعب في البداية و بعدين ارتاح) كل هذي الحكايات، مهو عشان أمدح لك نفسي ... عشان أثبت لك ضرورة هذي النصيحة و القاعدة وهي ضروري يكون عندك تعدد لمصادر الدخل. لو اليوم مافي عقد تصميم موقع ...يكون فيه تصوير ... لو مافي تصوير فيه ارباح من الكوبونات ... لو تاخرت شوي الارباح اقدم خدكة تسويق احترافي لواحد حاب يوصل كوبونه لآلاف الناس

القاعدة الثالثة طور نفسك وتعلم التسويق الاحترافي - طبق ماتعلمته - اربح المال (طور من نفسك من خلال المحتوى المجاني و المدفوع، استثمر في نفسك) اليوم مثلا تستثمر في نفسك وتشتري كورس التسويق الاحترافي في الانستقرام، صح ح تدفع فلوس للكورس .... لكن ممكن تطلع قيمة الكورس من أول عميلين يجونك وزيادة لانه ببساطة راح تتعلم في الكورس مهارات تقدر تطلع منها فلوس وهي تصميم الصور بشكل احترافي - تصميم الفيديو بشكل احترافي - تنفيذ حملات تسويقية احترافيه .... كل هذي مهارات راح تكتسبها بعد الكورس. بعد ما تكتسب هذي المهارات وغيرها كثير راح يجونك الشركات او المبتدئين في التجارة الالكترونية وتصمم لهم صور بـ 50-100 ريال - تصمم لهم فيديو احترافي 200-500 ريال حسب وقت الفيديو وحلو تعرف اسعار السوق من موقع خمسات عشان تنافس - راح يجوك التجار او الشركات وتقدم لهم خدمة التسويق الاحترافي في الانستقرام بـ 500-800 ريال وبرضة شوف السوق في خمسات ونافسة الين تكون قاعده عملاء ... ف الي ابغا اوصله لك انه الكورسات فعلا تختصر عليك الوقت و الجهد و المال وفوق انها تعلمك كيف تحسن شغلك كمان تعلمك مهارات تكون سبب في دخل اضافي لك كبير كبداية في عالم التجارة الإلكترونية، أنصحك تشتغل على كوبونات الخصم لأنها تربح لحالها بسبب أنها تتداول بين الناس لأنو الجميع يطمع في الخصم و الأحلى و الأجمل في التسويق بالعمولة عن طريق الكوبونات هو أنك توصل مع الوقت لمرحلة أنك تحتاج فقط 5 دقايق تسوي حملة ترويجية مدفوعة (الاف الناس تشوف وتشتري عن طريق كوبوناتك وانت تربح) اضط هنا للتعرف على محتويات كورس طريقة الربح من كوبونات الخصم (يمكنك العمل على 200 شركة من أشهر الشركات في العالم العربي وتسوق لهم بالعمولة من خلال الكوبونات و الروابط) من منطلق اني حاب اساعدك عشان تبدء احد العملاء طلبني ه الطلب وحبيت اعممه عليكم للفائده لتطوير نشاطكم التجاري تحتاجوا الي يوفر عليكم الوقت والجهد مثل تصميم شعارات اعلانات فيديو جرافك والعديد من الخدمات هذا الموقع فيه ناس تسوي لك الي تبغا بسعر رمزي- اضغط هنا للانتقال للموقع ملخص القواعد للنجاح في التجارة الإلكترونية من السهل جداً ان تبدأ في ربح المال عن طريق 1- تحويل شغفك وما تحب الى دخل مادي - وتسوق بالعمولة لمنتجات تتعلق بشغفك من خلال الطرق المذكورة في الكورس المجاني 2- ضرورة تعدد مصادر الدخل 3- طور نفسك وتعلم التسويق الاحترافي - طبق ما تعلمته - اربح المال 4- أضغط هنا لتبدء احصل على 3 كورسات مجاناً قيمتها الفعلية أكثر من 6000 ريال تحياتي م. أحمد عنقاوي اقتراحات / استفسار / تواصل معنا مراسلة فورية عن طريق الواتس أب